魚子醬1歲生日系列 - 我們的生日PARTY~! [場地篇+下水禮]

唔好意思呢~失蹤左幾日無update~去左邊~?! 當然是年度大事~! 現在逐一補回

魚子醬的出現，生活圈子難免有變化，雖然我們已經屬於超無BB朋友的那種，不過好彩身邊朋友都陸續生B~而且全球通行的湊仔經可以令好多本來可能好耐無聯絡ge朋友都一見如故，好感動約下約下，原來當日都有超過40個大小朋友來。

魚子醬生日在10月5日，我們選擇了在中秋追月的日子開Party [早了15天]，因為前前後後都是假期，而且剛好這天有場地，唔洗同人搶Weekend場~! 好彩臨急臨忙都有唔少朋友可能黎到，至於甜品類是最煩惱的，因為大家都知3D蛋糕起碼要3個月前預訂，與好友找了多個方案都不果，結果決定大蛋糕自製~! 再加一個要睇得又食得的Cupcake Tower和一些Chocolate Decoration

魚子媽所選擇的場地在YOHO Midtown的行政大屋，這裡每天有2個Time Slot可選，分別是1000-1500 / 1700-2200，小朋友聚會當然選中午的一個，Weekend中午價錢截至現時為止是$2400，Weekday平$200，以這個價錢有5小時的大屋來說，比起3k租個咩都無，要逐樣收錢的Playgroup地方，這裡是超值，當然要住客先Book到

上圖是「行政大屋」的Living Room，半圓的大梳化配地氈，大量Cushion好舒服，而左邊就是Open Kitchen，即下圖，有高桌圓檯，還有全Miele 系列的焗爐、微波爐、電磁爐。除此而外還有雪櫃、冷熱水機、中型煲同煎PAN各一，洗潔精都有

室內地方不失禮，再看看室外的部份，也是超舒服的感覺，不過是日天氣較焗，除了游水之外，發覺大家都不太願意留在室外tim~~這裡有大量戶外籐製傢俱

左邊有一電熱燒烤爐，不必自備炭~!但最好自備油同錫紙，洗手設備都充裕的 

萬眾期待的泳池要來了，十多米的泳池，相當照顧小朋友，最深也不過80-100cm左右，所以玩水一流~! 

周邊都有不少檯凳可以休息一下~ 

這種專供給住客租來Party的地方共有2個，一個是「董事大屋」，一個就是這「行政大屋」，都是毗鄰的，稍後再介紹兩者分別。而我們租用的行政大屋，有Projector可唱K，不過歌就大約是3年沒有update過了~~但其實3年前ge流行歌仲好聽啦~hehe

一入門口的圓柱會是2個廁所，這個設計超好~!而且都唔覺得好佔位，其中一個仲有得沖涼!!  

我們10am就到達了~係朋友們到達前就著手佈置，這個Banner是魚子媽一手一腳設計的~哈哈~雖然都只係整下泡泡相同key d Minions落去，都ok la =] 搵左間印刷公司Print，我揀超高清相紙都係$30就有了! 如果帆布Banner / PP膠貼仲平d~有超多物料選擇~~效果好好啊~ 

成個暑假都過黎Midtown會所游水~結果中秋都過埋先第一次游~~hahaha~好彩呢個下水禮超成功~! 魚子醬一刻猶疑都沒有就自已跳落水，好彩爸爸接得住~坐係自已隻私家船玩得超開心

先預習一下先~~然後由媽媽幫手換游水片片啦~

好疏乎~~~~~~~ 

媽媽都有一齊落水玩，但因為要招呼朋友，主要玩水任務還是交給爸爸好了，兩父子一玩就玩了近兩小時，好彩秋天的陽光不算猛烈，無曬傷

不過玩到最後近兩點的時間，8點半起身的魚子醬應該已經玩到筋疲力盡，要用浮的方法自我陶醉，甚至，小睡 LOL 當然最後被媽媽叫上水啦~~~要切蛋糕了~如果唔係主角要昏迷了~

戲玉就到~~~~Stay Tuned!~! [cont..]

**沒有水印的相片都是好動豬Matthew爸爸 同 J姐姐手機 拍攝的，謝謝充當了攝影師半天，令我好想重投單反懷抱~~不過湊住粒細一定要搵d單手影到ge相機=[ **